VISIONE S APOCALYPTICAE
<продолжение>
5
Агнец первую печать отрешает,
животное же едино глашает.
Ити и зрети Иоанну велит,
оный же с луком во венце ездца зрит
Паки печати агнец отрешает,
животное же коеждо глашает.
Особь к коейждо их отрешению,
ездца же с весы происхождению
И смерти, ада по ней идуща,
гладом же земли часть зле вреждающа.
6
Пятую печать агнец отрешает,
побитых святых души объявляет.
Иже зовяху сице велегласно:
мсти избившым ны, владыко, напрасно.
Их же в белыя ризы облекоша
и ждите братии, сице отрекоша.
7
Шестую агнец печать отрешает,
солнце и луну мрачны объявляет.
Звезды, небеса веема разоренны,
вся же зелнейшим ветром превращенна
Рабов, купцев же и царей текущих
в горы; тамо же погибели ждущих.
8
Се́ Богослов зрит аггелов стоящих
на концех земли и ветры держащих
Не вредити же инаго веляща,
землю и море и зело гласяща.
Печатлети же хотяща избранных
множество, от всех язык богозванных.
Зрит же и народ безчислен поющий
честь, слава агнцу с финики же сущий.
