«Славнейшему и благороднейшему Великому князю московскому и всея Руси, господину Василию, о святом дусе возлюбленному сыну нашего смирения, благодать и мир и милость и здравие душевное и телесное, с победою и одолением видимых и невидимых врагов, и все благо в мире и спасительно. Молится о благородии твоем смирение наше богу вседержителю. Мы еже разумеваем о господарстве ти, еже еси человек благочестив и православен, и православных и христолюбивых родителей наследник, и восприятель, и ближний сын и друг святый христовы церкви. И сего ради, аще еси явился всегда послушающим к ней верою и покорением и честью, и того ради и мы имеем тя благословенна от бога и прощено, и еже по достоинству твоему, еще имеет тя, о проче иных, смирение наше благородие твое прощено от предающего той власти и благодати от пресвятого и живоначального духа связанью разрешение; и елико еже ты, яко человек согрешил, словом и делом и помышлением, волею и неволею, и сия и духовным изрече отцем, еже имеет наше смирение господарство твое прощено во всем церковном запрещении, вольное и невольное; дерзостью палея еси и заповеди отеческие преступил еси, ведая и неведая, или от клятвы святительской или от священника будет, или отца и матери заповеди преступил будешь, и елико неразрешимых множество, исповедаемых и не исповедаемых, исцелился еси. И молится о сем смирение наше, и получивши прощения благородие твое от всеблагого человеколюбца бога, и еже неосуждену предстати благую часть получити, и небесно царствия достойну быти. Сия убо благодать отпущает ти, и по времени прощенная грамота нашего смирения».
«Прощенная грамота» иерусалимского патриарха Иоакима великому князю Василию Васильевичу
| «Прощенная грамота» иерусалимского патриарха Иоакима великому князю Василию Васильевичу |