На лл. 14 об.—16 об. рукописи находится описаніе собора въ Берестьи; который, очевидно, относится къ 1590 г. и составляетъ часть лѣтописи. Помещаемъ здѣсь эту вставку.
На день святого Іоанна рожства, в понеделок. Вбежалъ отецъ нитрополитъ въ место Берестко. Службы тогды при немъ было архимандритовъ, то ест именемъ з намостыра Супресля, на имя отецъ Исаиа Великая Борода, з Бытенино монастыря пана Тризны игуменъ Паисей, дияконъ Игнатей, а архдияконъ Калистъ, архимандритъ лаврешовский Гедионъ Бролиницкий, архимандритъ городенский, архидияконъ Осафъ, господина нитрополита дворный Григорей Иванович, протопопа Нестеръ з Городна, иныхъ много множство — архимандритовъ, игуменовъ, протопопъ, поповъ. Того же дня было читано козане от владыки володимерского Патея о ржествѣ Иоанове душеполезно. По казаню зошлися. Того дня митрополитъ былъ на обеде во отца Патея. Во второкъ службы божии не было, толко поведалъ казане тоеж владыко володимерский Патей о пастырехъ: аз есмъ пастыр добрый, душу полагая за овца, — видит волка градуще и прочие. Тогож дня владыко луцкий приехалъ со братие своею.
Тогож дня на томъ же козаню, коли пыталъ владыка володимерский тужъ всехъ стоящихъ во церкви, мовячи: ели добре ест читано, албо зле? Весь собор рекъ: добре. Тутже стоячи поджъ (sic — тое?) слово рекъ владыце володимерскому на оча некто Валериянъ Палисветъ, ижъ дей, отче владыко, ты читаеш зле, то есть противу себе читаешъ. В тот часъ и тогож дня было во церкви вели-
