Страница:Сказания князя Курбского. Ч. 2 (1833).djvu/17

Эта страница была вычитана


и коихъ лжеплетеній презлыхъ на мя не возвелъ еси! А приключившіямися отъ тебя различныя бѣды по ряду, за множествомъ ихъ, не могу нынѣ изрещи: понеже горестію еще души моей объятъ быхъ. Но вкупѣ все реку конечнѣ: всего лишенъ быхъ, и отъ земли Божія туне отогнанъ быхъ; аки тобою понужденъ. Не испросихъ умиленными глаголы, ни умолихъ тя[1] многослезнымъ рыданіемъ, и не исходатайствовахъ отъ тебя никоеяжъ милости Архіерейскими чинами; и воздалъ еси мнѣ злыя за благія, и за возлюбленіе мое непримирительную ненависть! Кровь моя, якоже вода пролитая за тя, вопіетъ на тя ко Господу моему! Богъ сердцамъ зритель: во умѣ моемъ прилежно смышляхъ и обличникъ совѣстный мой[2] свидѣтеля на ся поставихъ, и искахъ и зрѣхъ мысленнѣ[3] и обращаяся,[4] и не вѣмъ себя и не найдохъ ни въ чемъ же предъ тобою согрѣшивша: предъ войскомъ твоимъ хождахъ и не исхождахъ, и никоего же тебѣ безчестія[5] приведохъ; но токмо побѣды пресвѣтлы,[6] помощію Ангела Господня, во славу твою поставляхъ, и никогда же полковъ твоихъ хребтомъ къ чюждимъ обратихъ; но паче одолѣнія преславныя на похвалу тобѣ сотворяхъ. И сіе ни во единомъ лѣтѣ, ни во дву, но въ довольныхъ лѣтѣхъ. Потрудихся со многими поты и терпѣніемъ; и всегда отечества своего отстояхъ, и мало родшія мя зрѣхъ и жены моея не познавахъ; но всегда въ дальноконечныхъ[7] гра-

  1. Такъ во всѣхъ сп. въ П. ся.
  2. Такъ въ проч. сп. въ П. моей.
  3. Въ Б. мысленіе.
  4. Въ Б. обрачаяся.
  5. Въ Р. безчастія.
  6. Въ Р. и Э. пресвѣтлыя въ Б. гоѣсвѣтлы.
  7. Въ Б. въ долгоконечныхъ.