3. Ни разгнѣвахъся ни накого же, ни на мала, ни на велика.
4. Не оставихъ цркве Божия вечеръ, ни заоутра, ни полоудне.
5. Не презьрѣхъ ништиихъ, ни оставихъ страньна, и печяльна не прѣзьрѣхъ никогда же, ниже въ тьмьницахъ заключении, потрѣбьная имъ дѣяхъ, ниже въ плѣньницѣхъ избавихъ.
6. Не помыслихъ на добротоу чюжю…
7. Тако и вы живѣта, чядѣ мои, да и ваю Богъ оублажить и длъголѣтьна явить и сътворить.
8. Оубогыихъ посѣштяита, въдовицѣ заштиштаита, немоштныя милоуита и осоужяемыя бес правды изьмѣта, миръ имѣита съ всѣми. Паче же вьсѣхъ иже въ поустыни и въ печерахъ и въ пропастьхъ земльныих добро творита.
9. Поминаита монастыря, чьрноризьць стыдитася и чьтѣта и милосрьдоуита.
10. Матери же ваю чьсть отъдаита и вьсе добро сътворита еи, да Господа оузьрита, радоуюштяся и о томь веселитася въ вѣкы.
11. Вьсе елико имата златъмь и сребръмь и ризами неимоуштиимъ подаита, и въ работѣ соуштяя акы своя чяда любита, и оуныя милоуита, и старыя свободы съподобита, пищю имъ до съмрьти дающя, и съ проста реку: еже мя видѣста творяштя, и вы творита, да спсетася и съподобитася стыихъ.
12. Мтре не забываита, волю ей творита и послушяита съ страхъмь Господьньмь.
13. Вѣдѣ бо, яко дѣло Господьне дѣлаета. Заповѣди Господьня хранита, и Богъ мира сего боуди съ вама. Аминь.
1. Сыноу мои и чадо, приклони оухо свое и послоушаи отця своего, съвѣтуюштааго ти спасьная. Чадо, приближи разумы срця своего и въноуши[1] глаголы родивъшааго тя: не соуть бо на врѣдъ
- ↑ Въноушити—выслушать.