уряд Гетманский; больш зась Ясневельможный Гетман маетностей добр войсковых не меет самовластно себе привлащати и иншым, мней в войску Запорожском заслужоным, а найбарзей чернцям, попам, вдовам бездетным, урядником, посполитым и войсковым мелким слугам своим Гетманским и особам приватным, для респектов яких колвек, не раздавати. А не тылко до боку Гетманского Подскарбий Енеральный поприсяжный, для дозору скарбу войскового, меет избиратися, и где резиденция Гетманская утвердится, там зоставати, лечь и в каждом полку два Подскарбии, так же поприсяжныи, люде значныи и маетныи, общою, Полковника, Старшины войсковой, и посполитой ухвалою, повинны знайдоватися, которыи бы о полковых и городовых приходах и посполитых поборах знали, оные в своем заведованью и шафунку мели и каждого року порахунок з себе чинили. Якие полковие подскарбии, меючи релацию до Енерального Подскарбего, должны будут в своих полках о належащих до скарбу войскового приходах знати, оные отбирати и до рук Енерального Подскарбего отдавати. Панове Полковники зась неповинни так же интересоватися до скарбцов полковых, контентуючися своими приходами и добрами, на уряд Полковничий належащими.
Яко всяких во отчизне и войску Запорожском порядков, по должности уряду своего меет Ясневельможный Гетман постерегати, так найбарзей повинен будет и на тое пилное и неусыпное мети око, жебы людем войсковым и посполитым збытечные не чинилися тяжести, налоги, утеменженья и здырства, для которых они, оставивши жилища свои, обыкли в прочку ити и в заграничных Панствах спокойнейшого, легчайшого и помыслнейшого шукати себе помешканья. За чим, абы Панове, Полковники, Сотники, Атаманья и всякие войсковые и посполитые урядники, не важилися панщизн и роботизн своих приватных господарских Козаками и посполитыми людьми тыми, якие а ни на уряд их не належат, а ни под их персональною державою зостают, отбувати до кошения сен, збиранья з поль пашень и гаченья гребель примушати, в одиманью и кгвалтовном купленью кгрунтов насилия чинити, за леда якую вину зо всей худобы, лежачой и рухомой, обнажити, ремесников безплатежне до дел своих домашних приневоляти и Козаков до посылок приватных заживати, повинен будет того Ясневельможный Гетман владгою своею возбраняти, чого и сам, на добрый иншым, подручным себе, приклад, меет выстерегатися и не чинити. А поневаж всякие на людей верных тяжести, утыски и здырства походят найбарзей от властолюбных накупнев, котории, не фундуючися на заслугах своих, а прагнучи несытою пожадливостью, для приватного своего пожитку уря-
