Страница:Акты исторические. Том 1.djvu/13: различия между версиями

<center>'''<font size="+3">АКТЫ</font>'''</center>

<center>'''<font size="+2">{{razr|ИСТОРИЧЕСКІЕ}}.</font>'''</center>

<center>'''<font size="+1">{{roman|1}}. ПЕРІОДЪ УДѢЛОВЪ.</font>'''</center>

Благословеніе Ѳеогноста Митрополита всея Руси къ дѣтемъ моимъ, къ баскакомъ и къ сотникомъ, и къ игуменомъ и къ попомъ, и ко всѣмъ христіаномъ Черленого Яру и ко всѣмъ городомъ, по Великую Ворону. Молюсь Богови и Святой Богородици, да будете душею и тѣломъ добри, здорови, и да исполнивали бы есте заповѣди Божіи, имѣли бы есте любовь къ ближнему своему и ко всѣмъ, милостыню по силѣ, правду, цѣломудріе, исповѣданіе грѣховъ своихъ, да наслѣдници безконечнаго царства Божія будете. А вѣдаете, дѣти, занеже многажды рѣчи и мятежь были промежи двѣма Владыкама, Рязанскимъ и Сарайскимъ, про передѣлъ тъй, и послалъ былъ язъ къ вамъ игумена своего, да разсмотритъ по правдѣ, чій передѣлъ будетъ; и по того же игумена послушьству, далъ есмь былъ грамоту Владыцѣ Саранскому Аѳонасію. Нынѣ же пріѣхалъ ко мнѣ Владыка Рязанскій съ крилошаны своими, и привезъ ко мнѣ грамоту брата моего Максима Митрополита, а другую грамоту брата моего Петра Митрополита, — и управливаютъ Владыку Рязанского и велять ему держати всего передѣла того по Великую Ворону; и явилъ ми и третью грамоту Владыки Сарайского Софонія, какъ то ся отступилъ того передѣла, что ся ему не вступати, занеже не Сарайскій передѣлъ, но Рязанскій. И си вся язъ нынѣ видѣвъ, рассудилъ есмь, по тѣмъ грамотамъ братьи моей Митрополитовъ, что держати Владыцѣ Рязаньскому передѣла того всего, по Великую Ворону. И оже быхъ переже сихъ грамотъ видѣлъ, и язъ<ref>Въ подлин. слово сіе добавлено на полѣ.</ref> ни игумена быхъ не послалъ извѣдывати, ни грамоты бы Сарайскому Владыцѣ не далъ. И нынѣ есмь ту грамоту отложилъ; а грамотъ братьи своей Митрополитовъ не могу порушити. И того дѣля, нынѣ пишу къ вамъ и явно сътворяю, какъ то по тѣмъ грамотамъ братіи моей Митрополитовъ управливаютъ Владыку Рязаньского, а ть вѣдаетъ передѣлъ тъй весь, по Великую Ворону; а Владыцѣ Сарайскому ненадобѣ вступатися; и далъ есми Владыцѣ Рязаньскому Кирилу грамоту правую, какъ то и братья моя дали Митрополиты. И вы имѣйте къ нему любовь, и всяко послушаніе и покореніе<ref>Слово это приписано внизу страницы, тоюже рукою.</ref>, и