Эта страница не была вычитана
LXII
FRANCISCÆ МЕÆ LAUDES
Novis te cantabo chordis,
О novelletum quod ludis
In solitudine cordis.
Esto sertis implicata,
О fœmina delicata
Per quam solvuntur peccata
Sicut beneficum Lethe,
Hauriam oscula de te,
Quæ imbuta es magnete.
Quum vitiorum tempestas
Turbabat omnes semitas,
Apparuisti, Deitas,
Velut stella salutaris
In naufragiis amaris...
Suspendam cor tuis aris!
Piscina plena virtutis,
Fons æternæ juventutis,
Labris vocem redde mutis!
Quod erat spurcum, cremasti;
Quod rudius, exæquasti;
Quod debile, confirmasti!
